Via vs. viafier

Lieu d'inscunter en la muntogna

L'onn 1948 sa preschenta la construcziun d'in tunnel da via tras il Gottard sco project gigantic che animescha fantasias divertentas. (25 da settember 1948, Schweizerische Allgemeine Volkszeitung)

Il cumenzament dals onns 1960 sa sveglia ina debatta animada davart in nov tunnel da via tras il Gottard. Ils defensurs d'in tunnel da via, ch'èn sa furmads dapi la segunda guerra mundiala, s'opponan als aderents d'in tunnel da viafier. L'onn 1963 sa participescha Hugo Gschwind, il president da la direcziun generala da las VFF, a la discussiun: sch'il traffic s'augmenta vinavant massivamain, alura dovrian las VFF in tunnel da basa. La gruppa da studis «Tunnel dal Gottard» propona da construir in tunnel da via, beneventa però a medem temp in tunnel da basa da viafier. Ma il Cussegl federal al metta en in truclet. Tranter 1970 e 1980 vegn construì il tunnel da via dal Gottard.

« Pli svelt che la rauba da transit po vegnir transportada tras noss pajais e pli grondas ch'i vegnan nossas schanzas da pudair far frunt a la concurrenza cun rutas estras. »

Hugo Gschwind, president da la Direcziun generala da las VFF, Brev al Cussegl d'administraziun da las VFF, 21 da zercladur 1963
2576 milliuns francs

vegnan investids tranter ils onns 1950 e 1980 per la construcziun da vias

519 milliuns francs

vegnan investids per la construcziun da viafiers

3 + 57 uras + minutas

dura l'onn 1976 il viadi cun il tren da Basilea a Chiasso

3 + 7 uras + minutas

dura il viadi cun l'auto

Render attent a questa pagina