La NVTA è bler dapli che mo ils projects da tunnels tras il Gottard e tras il Lötschberg. Ella è colliada en ils onns 1990 cun auters projects gronds da la politica da traffic svizra, la Viafier 2000, il spustament dal traffic da la via sin la viafier e l'amplificaziun dal traffic d'aglomeraziun cun ils differents projects da trens regiunals. Ils chantuns da la Svizra occidentala acceptan la NVTA l'onn 1992 cunzunt pervia da sia dimensiun integrala da la politica da traffic. Ultra da quai profita la Svizra occidentala da la colliaziun cun la rait europeica da trens rapids.
« La finamira prioritara sto perquai esser da reducir en moda efficazia il temp da viadi, e quai collià cun in meglier access da la Svizra franzosa a la rait da TGV da la Frantscha. »
Cussegl federal svizzer, Missiva tar la construcziun da la lingia da viafier svizra tras las Alps (conclus davart il transit tras las Alps), p. 1118 s., 23-05-1990