Traffic da rauba cumbinà

A cramados u sin la cuffalera

Hans Bertschi è in piunier dal transport cun la viafier cumbinà. L'onn 1964 chargia la firma l'emprim camiun sin il tren per il traject Basilea-Lugano. (1964, Bertschi AG)

L'onn 1967 fundeschan in directur da viafier e 5 impressaris la Hupac SA. La firma da transports svizra chargia camiuns sin la viafier, l'emprim cunter l'opposiziun da las VFF e dals camiunists che vesan en quai ina smanatscha per lur models da fatschenta. Entant che questa firma ha l'onn 1970 en funcziun tschintg vaguns sin il traject da viafier da Basilea a Melide, lascha ella circular l'onn 2020 stgars 6900 vaguns en ina rait che tanscha fin en China. Containers, recipients polivalents, remortgas e chars annexs a camiuns-tractors vegnan furnids cun camiuns sin via a staziuns, transportads vinavant cun il tren e puspè surpigliads da camiuns a lieu da lur destinaziun. L'onn 2018 ha la Hupac transportà per viafier 535 800 spediziuns da camiuns tras las Alps svizras.

« Il di dad oz cumprova in sin in che la Svizra na producescha betg mo pleds e texts, mabain che fatgs quintan. »

Cusseglier federal Adolf Ogi, Pled per l'avertura dal terminal da Hupac Busto-Arsizio II, 5 da matg 1992
331'122 spediziuns da camiuns

transporta Hupac l'onn 2000 cun la viafier tras la Svizra

535'800 spediziuns da camiuns

èn quai l'onn 2018

5 vaguns da Hupac

curseschan l'onn 1970 tranter Basilea e Melide

6890 vaguns da Hupac

circuleschan l'onn 2020 sin ina rait che s'extenda fin en China

Render attent a questa pagina