Reichenbach en il Kandertal, ils 16 da mars 1990: la plaiv è emplenida ed Ogi è qua. La via a la NVTA è flancada d'occurrenzas d'infurmaziun che han la devisa infurmar e persvader. Cussegliers federals ed auts titulars d'uffizis da l'administraziun federala sa preschentan per declerar il project e per refutar objecziuns. Particularmain Adolf Ogi sco er Fritz Bürki e Hans Rudolf Isliker, tuts dus da l'Uffizi federal da traffic, s'engaschan instancablamain. L'argumentaziun sa consolidescha ad in narrativ principal: la Svizra dovra la NVTA, l'Europa dovra la Svizra.

« Las stentas concernent l'infrastructura ed il progress tecnic dattan confidenza che nus pudain obtegnair in sistem da transport ecologic il millenni vegnint. »

Fritz Bürki, Referat, senza data