La Svizra e la Communitad europeica fan il matg 1992 ina cunvegna davart il traffic da rauba sin via e sin la viafier. Ina part da questa cunvegna è la NVTA che n'è betg anc vegnida concludida dal pievel. I reussescha a la Svizra per l'ultima giada da garantir la limita da 28 tonnas per camiuns. Cun favurisar la viafier e cun etablir il traffic cumbinà resguarda la cunvegna las particularitads politicas e topograficas da la Svizra. Quella daventa in actur impurtant da la politica da traffic europeica.

« La cunvegna da transit circumscriva las lavurs infrastructuralas che ston vegnir exequidas tant en Svizra sco er en ils stadis commembers da la Communitad europeica per garantir ina circulaziun da traffic senza interrupziun sur ils cunfins da la Svizra or. »

Cussegl federal, Missiva tar la cunvegna da transit, p. 1058, 13-05-1992