Al limit da capacitad

Dapli schlantsch
Dapli schlantsch

A chaschun da la festa da giubileum da diesch onns dal tunnel da basa dal Lötschberg vegn preschentada a Frutigen la locomotiva da giubileum da la BLS. (2017, BLS SA)

Suenter diesch onns da manaschi po il tunnel da basa dal Lötschberg preschentar ina bilantscha impressiunanta: per onn circuleschan radund 30'000 trens tras il tunnel, per di radund 50 trens da persunas e 60 trens da martganzia. Il dumber da persunas che fa mintga di il viadi tras il tunnel è s'augmentà entaifer 10 onns da 7600 sin passa 13'000, il traffic da martganzia è perfin sa quadruplà. L'utilisaziun è pia gronda, memia gronda è ella ils dis da grond traffic. Las capacitads na pon dentant betg vegnir augmentadas marcantamain, damai ch'en ina part dal tunnel po vegnir circulà mo sin in binari. La planisaziun per la renovaziun ha cumenzà. Tenor las stimaziuns durass ella circa 13 onns.

« Passa 98% dals trens trassads sin il traject da basa curseschan tenor plan. »

Comité dal Lötschberg, Fegl d'infurmaziun nr. 8, 23 da matg 2017
314'814 trens

èn charrads tras il tunnel da basa ils emprims 10 onns.

408 pertschient

importa l'augment dal traffic da martganzia tranter ils onns 1999 e 2016.

74 pertschient

importa l'augment dal traffic da persunas tranter ils onns 1999 e 2016.

Render attent a questa pagina