Ils trens che curseschan sin la rait da la NVTA disponan da numerus segns. Ils laics na pon betg decifrar quels, per ils gestiunaris dals trajects e per ils lavurers da viafier èn els indispensabels. Il numer dal vehichel permetta l'identificaziun precisa dal vehichel. Per in vagun a dus plauns che circulescha tras il Lötschberg sa numna quest numer per exempel Bt 50 85 26-94 934-4. El cuntegna infurmaziuns davart il tip da vehichel, il pajais d'origin, la classa dal vagun, la sveltezza permessa ubain il sistem da stgaudar. Ulteriuras infurmaziuns pertutgan la paisa e la lunghezza dals vehichels, ils sistems da franar, la sveltezza maximala, las tensiuns da las raits pussaivlas ed ils radius minimals da las stortas. Ils segns e las cifras fan part da l'uschenumnà «grosstechnisches System GTS». Els èn gist uschè necessaris per il manaschi da viafier sco las rodas dals vehichels.

« Ils trens ed ils moviments da manevra sin il traject vegnan marcads en ina direcziun cun numers pèrs ed en la direcziun opposta cun numers spèrs. »

UFT, OST «Allgemeines», p. 52, 1. da fanadur 2016