Il comité etern

Gruppa cun directur
Gruppa cun directur

Alfred Escher – directur da la Viafier dal Nordost e magnat da viafier contestà – era la figura la pli impurtanta dal Comité dal Gottard, schebain ch’el n’era betg da la partida dal cumenzament ennà. (enturn 1875, Biblioteca da la SPF)

Il Comité dal Gottard exista anc adina, purtà da 13 chantuns. Da questa instituziun, ch'è vegnida fundada l'onn 1853 e ch'è dapi lura vegnida reanimada almain duas giadas, fan part ils chantuns, las citads, las interpresas e las associaziuns da traffic che s'interesseschan per la lingia da viafier dal Gottard. L'emprim è vegnì propagà il traject da muntogna - cun la figura pregnanta dad Alfred Escher, il magnat da viafier contestà -, alura il tunnel da via e la finala il tunnel da viafier da basa. Il Comité dal Gottard renda visibel tant il federalissem constant en la politica da traffic svizra sco er la necessitad da far lavur da lobi politica. Il success n'è betg da survesair: la muntogna ch'è vegnida perfurada pliras giadas.

« [...] entant ch'il Gottard prevala – dal punct da vista commerzial – tut ses concurrents, damai che sulettamain el para d'esser capabel d'ademplir tut ils gronds interess concernent il traffic, ch'èn liads a la viafier tras las Alps svizras. »

Comité dal Gottard, Expertisa a la direcziun da la Viafier centrala, Basilea, 29.05.1865
1863 onn

Nova fundaziun dal comité; 15 chantuns e duas societads da viafier èn ussa da la partida.

70 miu. francs

quai èn ils custs stimads per ina viafier dal Gottard tranter Flüelen ed il Lago Maggiore.

5 mais

en quest curt temp finescha l'inschigner Kaspar Wetli sia mesiraziun revoluziunara dal traject.

Render attent a questa pagina