Sco cumenzament uffizial da las lavurs da construcziun da la NVTA vala l'emprima siglientada per il tunnel da basa dal Lötschberg ils 5 da fanadur 1999. Al Gottard ha lieu l'emprima siglientada ils 4 da november 1999. Questas datas èn impurtantas per la politica e per la publicitad che persequiteschan la construcziun dals novs tunnels cun grond interess. Ma en tuts dus lieus eran vegnids fatgs sondagis gia l'onn 1993. Quels derivan puspè da la projectaziun mez dals onns 1980.
« Cun l'AlpTransit Gottard nascha in'ovra da construcziun tschientenara. »
Alp Transit Gottard SA, Dossier da basa davart la tecnica da viafier, stadi 1999, 05-07-1999
