Il Lötschberg va en funcziun

8 december 2007
In grond pass per la NVTA – e per il Vallais
In grond pass per la NVTA – e per il Vallais

Tras il tunnel da basa dal Lötschberg vegnan il Vallais ed il rest da la Svizra pli datiers in da l'auter. Il december 2007 cursescha l'emprim tren da persunas regular tras il nov tunnel. (09-12-2007, Keystone)

Ils 9 da december 2007 cumenza la BLS cun il manaschi dal nov tunnel. La centrala a Spiez surveglia il tunnel ed ils trens. Ina sfida è la part ad in vial da 21 kilometers lunghezza dal tunnel d'ina lunghezza totala da 34,6 kilometers. Normalmain vegn ella utilisada ad 80 pertschient, ils dis da grond traffic a 100 pertschient. Ils trens da persunas pon circular cun fin a 250 kilometers l'ura. A mintga tren stat a disposiziun in mument exact per ses viadi. Sch'el manchenta quel mument, sto el viagiar sur il traject da muntogna u spetgar il proxim mument liber.

« Il project è ina part da la viafier futura d'auta prestaziun, d'in nov tip da viafier ch'è gia realisà en l'Europa e che vegn collià ad ina rait internaziunala. »

F. Kilchenmann, manader da l'interpresa BLS AlpTransit SA, Sintesa dal project preliminar per la lingia da basa dal Lötschberg, prefaziun, senza data
133 cameras da video

 èn installadas en il tunnel per survegliar il traffic.

56 kilometers

tschabargals èn montads en il tunnel per in'eventuala evacuaziun.

110 locals

cun indrizs automatics da stizzar fieu cuntegna il tunnel da basa dal Lötschberg.

Render attent a questa pagina