Istoriografia

«Testardezza u midada d'idea»?

Anc n'è la nova lingia da viafier tras las Alps NVTA betg arrivada en l'istoriografia. Il cudesch da Markus Höschen da l'onn 2007 resta l'excepziun. (2008, Chasa editura Peter Lang)

La veglia viafier dal Gottard è vegnida perscrutada intensivamain dals istorichers. E la NVTA? L'emprima preschentaziun scriva in inschigner che sa concentrescha sin la cronologia e sin l'administraziun federala. Il tom da stgars 4 kilos da l'Academia d'architectura da l'Universitad da la Svizra taliana focussescha da sia vart sin la cuntrada, sin la teoria, sin la tecnologia, sin la geografia ed er sin l'istorgia. Vitiers vegnan toms da fotografias e quellas publicaziuns che sveglian la veglia maschaida d'ina naziun fundada sin la voluntad politica e d'in cult per la tecnica. L'onn 2007 cumpara l'istorgia scientifica da la NVTA, ch'è fin ussa l'unica: «Nationaler Starrsinn oder ökologisches Umdenken? Politische Konflikte um den Schweizer Alpentransit im ausgehenden 20. Jahrhundert.» Redigida è ella vegnida da l'istoricher tudestg Markus Höschen a l'Universitad da Paderborn.

« L'exempel dal transit tras las Alps mussa, co ch'ils meds democratics vegnan sfruttads en Svizra. »

Uffizi federal da traffic, Explicaziuns, senza data

Render attent a questa pagina