Prognosas dal traffic

Duatschient empè da tschuncanta pertschient

Il rapport «Tunnels da viafier tras las Alps» da l'onn 1971 è sa sbaglià cleramain en sias prognosas. (1971, Cumissiun DFTE)

Nagin project senza prognosa. Ella è impurtanta per motivar il project sco er per al planisar. La gronda part da las prognosas extrapoleschan en l'avegnir las datas da creschientscha da l'ultim passà. Quai na va betg adina bain. L'onn 1971 arriva la Cumissiun per ils tunnels da viafier tras las Alps a la conclusiun ch'il traffic da persunas tras las Alps vegnia a s'augmentar per almain 50 pertschient da l'onn 1963 fin l'onn 1990 e ch'il traffic da rauba vegnia schizunt a sa dublegiar. Ma effectivamain s'augmenta quel sin la viafier e sin la via per circa 200 pertschient. Mintga regla ha sias excepziuns: La missiva dal Cussegl federal tar la «construcziun da la lingia da viafier svizra tras las Alps» da l'onn 1990 prognostitgescha fin l'onn 2020 puspè ch'il traffic da rauba sa dublegia e ch'il traffic da persunas s'augmentia per 50 pertschient. Quai constat, tutgà la noda.

« Objectivamain n'èsi però betg pussaivel da dir quant probabel ch'igl è che l'in u l'auter scenari capita. »

Center songagliais per la perscrutaziun dal futur, Studi davart las perspectivas dal traffic da rauba transalpin 1993-2015, 1994
50 pertschient

vegnia la creschientscha dal traffic da persunas ad importar tranter ils onns 1963 e 1990, di la prognosa da l'onn 1971. 100 pertschient èsi effectivamain.

100 pertschient

vegnia la creschientscha dal traffic da rauba ad importar tranter ils onns 1963 e 1990, di la prognosa da l'onn 1971. 200 pertschient èsi effectivamain.

10.1 milliardas francs

vegnia a custar la Nova lingia da viafier tras las Alps (NVTA), di la prognosa da l'onn 1990. 23 milliardas francs custa ella effectivamain.

Render attent a questa pagina