Il trassé sco zona problematica

Nua è la largia?
Nua è la largia?

Ultra dals trens en gir pretendan er ils trens che n’èn betg en moviment ina planisaziun minuziusa. (staziun da manevrar a Maschen sper Hamburg) (19.03.2016, Naturfoto-Online / Alamy Stock Foto)

In trassé ubain in slot designescha il viadi sin in tschert binari a tschertas uras cun in tschert tren. Il slot n'è betg mo ina unitad logistica, mabain dapi l'onn 1991 er ina unitad economica: Cun acquistar in slot obtegna l'interprendider da transport il dretg d'utilisar in tschert traject a tschertas uras. Damai ch'ils trens curseschan cun differentas sveltezzas e circuleschan cun dapli u damain fermadas, è il dumber dals slots eventuals limità - e la cumplexitad da lur planisaziun bunamain illimitada. Per la distribuziun dals slots, augmentads tras la NVTA, ston vegnir considerads differents basegns: la rentabilitad da la viafier, il squitsch da temp da las viagiaturas e dals viagiaturs e la circulaziun dal traffic constanta.

« In trassé (sumegliant ad in 'slot' en l'aviatica) è il dretg da cursar cun in tren sin in tschert traject da la rait da viafier ad uras determinadas fixamain. »

Trassé Svizra SA, Broschura Trassé Svizra SA, november 2012
14 minutas

dovran ils trens da persunas per ils 57 kilometers dal tunnel da basa dal Gottard, sch'els curseschan cun 250 kilometers l'ura.

3 fin 6 slots per ura

èn previs en il tunnel da basa dal Gottard per trens da persunas e da martganzia en omaduas direcziuns.

230-270 trassés

 per di porschan las viafiers en il traffic da martganzia nord-sid. 

Render attent a questa pagina