Ils 27 da settember 1992 acceptan las votantas ed ils votants svizzers il project NVTA cun 64 pertschient vuschs affirmativas. Tras quai dattan els glisch verda per la construcziun nova dal traject Arth-Goldau-Lugano cun ils tunnels dal Gottard e dal Monte Ceneri sco er da la lingia Frutigen-Val dal Rodan tras il Lötschberg. Ultra da quai acceptan els la colliaziun da la Svizra occidentala a la rait da viafier europeica e l'integraziun da la Svizra orientala tras novs trajects. Ils trais comités da referendum perdan la votaziun. Els s'opponan cunter l'augment da la lavina da transit, cunter la finanziaziun tras dazis sin carburants e cunter la destrucziun da la natira.
« I na dat nagina alternativa realistica tar la NVTA. »
Cussegl federal, Explicaziuns davart la votaziun, 27 da settember 1992
