L'etappa da 5,4 milliardas

19 mars 2009
Ils custs da la segirezza
Ils custs da la segirezza

Emprimas stimaziuns per ils custs da la NVTA han mussà ina summa da 12 milliardas francs. L'onn 2009 ha il parlament concedì ulteriuras 5,4 milliardas. La pli gronda part da quests custs va a favur dal conto da segirezza e da tecnica. (2009, Uffizi federal da traffic)

L'onn 2003 sa il parlament che las circa 15 milliardas francs ch'eran en il fratemp previsas per la NVTA (basa da pretsch 1998) na vegnan betg a bastar. L'onn 2007 preschenta il Cussegl federal ina «Vista cumplessiva davart la construcziun e davart la finanziaziun da projects da l'infrastructura dal traffic public». Ils custs da la NVTA vegnan stimads ussa a circa 19 milliardas francs, ma questa summa signifitga ch'i vegnan stritgads or dals plans da la NVTA il tunnel da basa dal Zimmerberg, il tunnel dal Hirzel ed ulteriuras lingias d'access. Questas ultimas vegnan tuttina realisadas en il rom dal svilup futur da l'infrastructura da viafier (SIV). Il mars 2009 augmenta il parlament il credit per la NVTA ch'è vegnida redimensiunada anc ina giada sin 19,1 milliardas. Al SIV conceda il parlament 5,4 milliardas francs. Ussa è la NVTA finanziada definitivamain.

« La construcziun da la NVTA dovra dapli daners ch'èn vegnids sbursads fin ussa per quai. »

Il Cussegl federal, Missiva, 17.10.2007
46.6 pertschient

dal fond FTP (fond da la finanziaziun da projects d'infrastructura dal traffic public) ch'è vegnì approvà l'onn 1998 vegnan duvrads per la NVTA.

42.5 pertschient

dal fond FTP vegnan duvrads per la Viafier 2000.

7.1 pertschient

dal fond FTP vegnan duvrads per la protecziun cunter canera per lung da las lingias da viafier.

Render attent a questa pagina